Müasir dövrdə xüsusi qayğıya ehtiyacı olan uşaqların sosial adaptasiyası, psixoloji dəstəyi və inkişaf potensialının üzə çıxarılması cəmiyyətin qarşısında duran mühüm vəzifələrdən biridir. Bu istiqamətdə fəaliyyət göstərən müəssisələr arasında “Təbəssüm İnkişaf Mərkəzi” öz peşəkar yanaşması və humanist fəaliyyəti ilə seçilir.
Mərkəzin rəhbəri İbrahimova Gültəkin Asəf qızı xüsusi qayğıya ehtiyacı olan uşaqların inkişafı sahəsində göstərdiyi xidmətlərlə təqdirəlayiq fəaliyyət nümayiş etdirir. Onun rəhbərliyi altında fəaliyyət göstərən mərkəzdə autizm spektr pozuntusu, diqqət əskikliyi və hiperaktivlik sindromu, nitq və davranış problemləri, eləcə də digər inkişaf xüsusiyyətləri olan uşaqlara fərdi yanaşma əsasında kompleks dəstək göstərilir.
İbrahimova Gültəkin Asəf qızının əsas fəaliyyət prinsiplərindən biri sosial məsuliyyət və milli-mənəvi dəyərlərə sadiqlikdir. Bu baxımdan, şəhid və qazi ailələrinin övladlarına tam təmənnasız şəkildə xidmət göstərilməsi xüsusi qeyd olunmalıdır. Həssas sosial qruplara göstərilən bu humanitar dəstək cəmiyyətdə həmrəylik və vətəndaş məsuliyyətinin bariz nümunəsi hesab olunur.
“Təbəssüm İnkişaf Mərkəzi” yalnız terapevtik və pedaqoji xidmətlər təqdim etməklə kifayətlənmir, eyni zamanda uşaqların cəmiyyətə inteqrasiyasına, ailələrin maarifləndirilməsinə və inklüziv dəyərlərin təşviqinə mühüm töhfə verir.
İbrahimova Gültəkin Asəf qızının rəhbərlik etdiyi bu fəaliyyət modeli göstərir ki, peşəkarlıq, mərhəmət və sosial məsuliyyət bir araya gəldikdə, uşaqların gələcəyinə ümid, ailələrə isə mənəvi dayaq olmaq mümkündür. Bu istiqamətdə görülən işlər xüsusi qayğıya ehtiyacı olan uşaqların sağlam inkişafına və cəmiyyətin sosial rifahının möhkəmləndirilməsinə mühüm töhfə kimi qiymətləndirilə bilər.
Mərkəzin ünvanı: Gəncə şəhəri, Əttarlar küçəsi 126.
Əlaqə nömrəsi: 055-781-23-24.
Qanuntv.az olaraq, İbrahimova Gültəkin Asəf qızına və “Təbəssüm İnkişaf Mərkəzi”nin kollektivinə gələcək fəaliyyətlərində uğurlar arzulayır, onların həyata keçirdikləri sosial yönümlü təşəbbüsləri yüksək qiymətləndiririk.
