Gəncə şəhərində məktəbəqədər təhsil sahəsində öz peşəkarlığı, yüksək idarəçilik bacarığı və uşaqlara göstərdiyi xüsusi qayğı ilə seçilən şəxslərdən biri də 13 saylı Körpələr Evi-Uşaq Baxçasının müdiri Pərvanə xanımdır. O, uzun illərdir ki, təhsil sahəsində məsuliyyətlə fəaliyyət göstərərək həm kollektivin, həm valideynlərin, həm də balaca fidanların böyük rəğbətini qazanıb.
Pərvanə xanım rəhbərlik etdiyi müəssisədə uşaqların sağlam, təhlükəsiz və sevgi dolu mühitdə böyüməsi üçün bütün imkanları səfərbər edir. Onun diqqəti və qayğısı sayəsində bağçada yüksək nizam-intizam, təmiz və səliqəli mühit, eyni zamanda müasir təlim-tərbiyə prinsiplərinə uyğun fəaliyyət formalaşıb. Uşaqlara ana nəvazişi ilə yanaşılması, onların bilik və bacarıqlarının inkişaf etdirilməsi Pərvanə xanımın əsas prioritetlərindəndir.
Müəssisədə çalışan müəllim və tərbiyəçilərlə daim sıx əməkdaşlıq edən Pərvanə xanım kollektiv arasında qarşılıqlı hörmət və mehriban iş mühiti yaradıb. Onun rəhbərliyi altında keçirilən tədbirlər, maarifləndirici layihələr və uşaqların inkişafına yönəlmiş proqramlar valideynlər tərəfindən də böyük rəğbətlə qarşılanır.
Pərvanə xanım öz zəhməti, səmimiyyəti və insanpərvərliyi ilə məktəbəqədər təhsil sahəsində nümunəvi rəhbər kimi tanınır. O, gələcəyimizin balaca fidanlarının savadlı, vətənpərvər və sağlam böyüməsi naminə yorulmadan çalışan dəyərli təhsil işçilərindəndir.
Belə rəhbərlərin fəaliyyəti cəmiyyət üçün böyük örnək olmaqla yanaşı, məktəbəqədər təhsilin inkişafına da mühüm töhfə verir. Pərvanə xanıma gələcək fəaliyyətində yeni uğurlar, möhkəm can sağlığı və daha böyük nailiyyətlər arzulayırıq.
