Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Tibbi-Sosial Ekspertiza və Reabilitasiya Agentliyi tərəfindən 2026-cı ilin yanvar-may ayları ərzində 19,4 min şəxsə əlillik təyin edilib.
Qanuntv.az xəbər verir ki, bu barədə Əmək və Əhalinin Sosial Müdafiəsi Nazirliyi məlumat yayıb.
Məlumata əsasən, əlillik təyin olunan şəxslərdən 8,6 min nəfərə ilkin, 10,8 min nəfərə isə təkrar əlillik təyinatı aparılıb.
Bildirilib ki, əlilliyin qiymətləndirilməsi prosesi tam elektron qaydada həyata keçirilir. Qiymətləndirmə səhiyyə müəssisələri tərəfindən elektron sistemə daxil edilən göndərişlərdə əks olunan tibbi məlumatlar əsasında aparılır.
Həmçinin qeyd olunub ki, əlillik təyinatı həyata keçirildikdən sonra vətəndaşlara əlilliyə görə sosial ödənişlər proaktiv qaydada, yəni əlavə müraciət tələb olunmadan elektron sistem vasitəsilə təyin edilir.
Nazirlik elektron xidmətlərin genişləndirilməsinin vətəndaşlara göstərilən xidmətlərin operativliyinin və şəffaflığının artırılmasına xidmət etdiyini vurğulayıb.
