Tibbi Ərazi Bölmələrini İdarəetmə Birliyində (TƏBİB) yeni kadr təyinatı həyata keçirilib.

TƏBİB-in Daxili nəzarət və monitorinq departamentinin rəhbəri vəzifəsinə Şahin Cavanşir oğlu Hüseynov təyin edilib. Bununla bağlı qurumun icraçı direktoru Anar Bayramov müvafiq əmr imzalayıb.

Qeyd edək ki, Daxili nəzarət və monitorinq departamenti TƏBİB-in fəaliyyətində şəffaflığın, nəzarət mexanizmlərinin və idarəetmə proseslərinin təkmilləşdirilməsi istiqamətində mühüm funksiyalar yerinə yetirir.

Yeni təyinatın departamentin fəaliyyətinin daha da səmərəli təşkilinə töhfə verəcəyi gözlənilir.