Şamil Məmmədsaleh oğlu Əliyev Naxçıvan Regional DOST Mərkəzinə direktor müavini təyin edilib.
Qanuntv.az xəbər verir ki, bu barədə DOST Agentliyinin İdarə Heyətinin sədri Fərid Məmmədov tərəfindən müvafiq əmr imzalanıb.
Əmrə əsasən, Şamil Əliyev, eyni zamanda Naxçıvan Regional DOST Mərkəzinin direktorunun səlahiyyətlərini icra edəcək.
Şamil Əliyev Azərbaycan Dövlət Pedaqoji Universitetində “Menecment” ixtisası üzrə ali təhsil alıb. O, əmək fəaliyyətinə 2018-ci ildə Dövlət Sosial Müdafiə Fondunda başlayıb. 2019-cu ildən isə DOST Agentliyində fəaliyyət göstərir.
Qeyd edək ki, Şamil Əliyev Vətən müharibəsi iştirakçısıdır. O, Prezident İlham Əliyevin müvafiq sərəncamları ilə “Zəngilanın azad olunmasına görə”, “Qubadlının azad olunmasına görə” və “Vətən müharibəsi iştirakçısı” medalları ilə təltif edilib.
Yeni vəzifəsində Şamil Əliyevə uğurlar arzulayırıq.
