Misli Premyer Liqasında IX turun son oyunları bu gün keçiriləcək.
Qanuntv.az xəbər verir ki, turun sonuncu oyun günündə iki qarşılaşma baş tutacaq.
Günün ilk matçında “İmişli” Yevlax şəhər stadionunda “Şamaxı”nı qəbul edəcək. Saat 15:00-da başlayacaq görüşdə komandalar turnir cədvəlindəki mövqelərini yaxşılaşdırmaq üçün mübarizə aparacaqlar. Hazırda 13 xalı olan “Şamaxı” 7-ci, 7 xal toplayan “İmişli” isə 9-cu pillədə qərarlaşıb.
Günün mərkəzi qarşılaşmasında isə “Sabah” “Sabah Arena”da “Qarabağ”la üz-üzə gələcək. Saat 18:00-da start götürəcək oyunda turnir cədvəlinin lideri olan “Sabah” 19 xalla meydana çıxacaq. 17 xalı olan “Qarabağ” isə 3-cü pillədə yer alır.
Misli Premyer Liqası
IX tur — 25 oktyabr
15:00. “İmişli” – “Şamaxı”
Hakimlər: Rauf Cabarov, Zeynal Zeynalov, Kərim Zeynalov, Ruslan Quliyev.
VAR: Əliyar Ağayev.
AVAR: Akif Əmirəli.
Hakim-inspektor: Anar Salmanov.
AFFA nümayəndəsi: Rüfət Əmirov.
Stadion: Yevlax şəhər stadionu.
18:00. “Sabah” – “Qarabağ”
Hakimlər: Rəşad Əhmədov, Elşad Abdullayev, Pərvin Talıbov, Emin Əliyev.
VAR: Kamranbəy Rəhimov.
AVAR: Teymur Teymurov.
Hakim-inspektor: Rəhim Həsənov.
AFFA nümayəndəsi: Erkin Hüseynov.
Stadion: “Sabah Arena”.
Qeyd edək ki, turun əvvəlki oyunlarında “Qəbələ” “Araz-Naxçıvan”ı 2:1, “Zirə” “Sumqayıt”ı 3:2, “Kəpəz” isə “Şəfa”nı 2:1 hesabı ilə məğlub edib. “Neftçi” – “Turan Tovuz” qarşılaşması isə 1:1 hesablı heç-heçə ilə yekunlaşıb.
