Zəngilan rayonunun Ağalı kəndinə köçürülməsinin 3 ili tamam olan vətəndaşlar üçün məcburi köçkünlərə tətbiq edilən sosial müdafiə tədbirləri dayandırılır.
Bu barədə Milli.Az-a istinadla Qaçqınların və Məcburi Köçkünlərin İşləri üzrə Dövlət Komitəsindən məlumat verilib.
Bildirilib ki, "Məcburi köçkünlərin və onlara bərabər tutulan şəxslərin sosial müdafiəsi haqqında" Qanunun 3-cü maddəsinə əsasən, məcburi köçkünlər üçün nəzərdə tutulan güzəştlər və imtiyazlar qanunvericilikdə müəyyən edilmiş müddət ərzində qüvvədədir.
Qanuna görə, məcburi köçkünlərin sosial müdafiəsi onların əvvəlki daimi yaşayış yerlərinə qayıtması üçün şəraitin yaradıldığı vaxtdan etibarən üç il müddətində təmin olunur.
Qeyd edək ki, Ağalı kəndinə köç prosesi 2022-ci il iyulun 19-dan başlayaraq mərhələli şəkildə həyata keçirilib.