Bakı şəhəri, Binəqədi rayonu 300 nömrəli tam orta məktəbin direktoru İradə Xəlilova Əmir qızı uzun illərin pedaqoji təcrübəsinə əsaslanan fəaliyyəti ilə təhsil sahəsində özünəməxsus yer tutan, zəhmətkeş və prinsipial rəhbər kimi tanınır. O, müəllimlikdən başlayaraq qazandığı bilik və bacarıqları bu gün uğurla tətbiq edərək məktəbin inkişafına davamlı töhfələr verir.

İradə Xəlilovanın rəhbərliyi ilə 300 nömrəli məktəbdə tədris prosesi yüksək səviyyədə təşkil olunub, nizam-intizam və qarşılıqlı hörmət mühiti formalaşdırılıb. Məktəbdə şagirdlərin bilik səviyyəsinin artırılması, onların dünyagörüşünün genişləndirilməsi və cəmiyyətə faydalı vətəndaş kimi yetişməsi əsas prioritet istiqamətlərdəndir. Bu məqsədlə müxtəlif maarifləndirici tədbirlər, layihələr və təlimlər həyata keçirilir.

Onun fəaliyyətində diqqət çəkən əsas məqamlardan biri müəllim kollektivinə verdiyi dəyərdir. O, pedaqoqların peşəkar inkişafını daim diqqətdə saxlayır, onların yeni bilik və bacarıqlara yiyələnməsi üçün şərait yaradır. Bu isə bütövlükdə təhsil müəssisəsinin keyfiyyət göstəricilərinə müsbət təsir edir.

İradə Xəlilova həm də yüksək insani keyfiyyətləri ilə seçilir. Şagirdlərə göstərdiyi qayğı, valideynlərlə qurduğu səmimi münasibət və ədalətli yanaşması onun kollektiv arasında böyük hörmət qazanmasına səbəb olub. Məktəbdə sağlam mühitin qorunması, milli-mənəvi dəyərlərin təbliği və vətənpərvərlik ruhunun aşılanması onun fəaliyyətinin əsas istiqamətlərindəndir.

Bu gün İradə Xəlilova Əmir qızı kimi təcrübəli və məsuliyyətli təhsil işçilərinin fəaliyyəti Azərbaycan təhsilinin inkişafında mühüm rol oynayır. Onun zəhməti, səyi və işinə olan bağlılığı gələcək nəsillərin daha savadlı və vətənə faydalı yetişməsinə xidmət edir.

Mənbə:Qanuntv.az
Müəllif: Bəxtiyar Vəliyev