Azərbaycan musiqi sənətinin görkəmli nümayəndəsi, Xalq artisti, professor, bəstəkar Tofiq Bakıxanov vəfat edib.

QanunTV xəbər verir ki, Azərbaycan professional musiqisinin inkişafında mühüm xidmətləri olan Tofiq Bakıxanov yaradıcılığı boyu çoxsaylı əsərlərə imza atıb, milli musiqi mədəniyyətinin zənginləşməsinə böyük töhfələr verib.

Bəstəkar müxtəlif janrlarda əsərlər yaradaraq Azərbaycan musiqi irsində özünəməxsus iz qoyub. Onun yaradıcılığı uzun illər ərzində həm ölkə daxilində, həm də beynəlxalq musiqi mühitində tanınıb.

Tofiq Bakıxanov Azərbaycan musiqi mədəniyyətinə verdiyi töhfələrə görə yüksək fəxri ad və mükafatlarla təltif olunub.

Sənətkarın vəfatı Azərbaycan mədəniyyəti üçün böyük itki kimi qiymətləndirilir.

Allah rəhmət eləsin, ruhu şad olsun!