Azərbaycan Respublikası Prezidentinin Administrasiyasının Vətəndaş Qəbulu Mərkəzində 2026-cı ilin sentyabr ayında vətəndaşların qəbulu ilə bağlı cədvəl açıqlanıb.
Qanuntv.az xəbər verir ki, sentyabr ayı ərzində Prezident Administrasiyasının rəhbər vəzifəli şəxsləri, şöbə müdirləri, xüsusi nümayəndələr və Azərbaycan Respublikası Təhlükəsizlik Şurasının katibi vətəndaşları qəbul edəcəklər.
Qəbul günləri üzrə cədvəl belədir:
1 sentyabr – Azərbaycan Respublikası Prezidentinin köməkçisi, Prezident Administrasiyasının Ərazi-təşkilat məsələləri şöbəsinin müdiri Zeynal Nağdəliyev.
2 və 16 sentyabr – Azərbaycan Respublikası Prezidentinin köməkçisi, Prezident Administrasiyasının Hüquq mühafizə orqanları ilə iş şöbəsinin müdiri Fuad Ələsgərov.
3 sentyabr – Prezident Administrasiyasının Hərbi məsələlər şöbəsinin müdiri Fərid Seyidov.
4, 11 və 25 sentyabr – Azərbaycan Respublikası Birinci vitse-prezidentinin Katibliyinin rəisi Altay Həsənov.
4 sentyabr – Prezident Administrasiyasının Vətəndaşların müraciətləri ilə iş şöbəsinin müdiri Süleyman İsmayılov.
7 sentyabr – Azərbaycan Respublikası Prezidentinin köməkçisi, Prezident Administrasiyasının İqtisadi siyasət və sənaye məsələləri şöbəsinin müdiri Natiq Əmirov.
8 sentyabr – Prezident Administrasiyasının Humanitar siyasət, diaspor, multikulturalizm və dini məsələlər şöbəsinin müdiri Fərəh Əliyeva.
9 sentyabr – Azərbaycan Respublikası Prezidentinin köməkçisi, Prezident Administrasiyasının Dövlət nəzarəti məsələləri şöbəsinin müdiri Kərəm Həsənov.
10 sentyabr – Azərbaycan Respublikası Prezidentinin köməkçisi, Prezident Administrasiyasının İqtisadi məsələlər və innovativ inkişaf siyasəti şöbəsinin müdiri Şahmar Mövsümov.
11 sentyabr – Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyev.
14 sentyabr – Prezident Administrasiyasının Gənclər siyasəti və idman məsələləri şöbəsinin müdiri Yusuf Məmmədəliyev.
15 sentyabr – Azərbaycan Respublikası Prezidentinin Mətbuat katibi Orxan Səttarov, həmçinin Prezident Administrasiyasının Qeyri-hökumət təşkilatları ilə iş və kommunikasiya şöbəsinin və Hüquq mühafizə orqanları ilə iş şöbəsinin Əfv məsələləri sektorunun nümayəndələri.
17 sentyabr – Prezident Administrasiyasının Dövlət qulluğu və kadr məsələləri şöbəsinin müdiri Tələt Məcidov.
18 sentyabr – Prezident Administrasiyasının Siyasi partiyalar və qanunvericilik hakimiyyəti ilə əlaqələr şöbəsinin müdiri Ədalət Vəliyev.
21 sentyabr – Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov.
22 sentyabr – Laçın rayonunda Azərbaycan Respublikası Prezidentinin xüsusi nümayəndəsi Məsim Məmmədov və Şuşa rayonunda Azərbaycan Respublikası Prezidentinin xüsusi nümayəndəsi Aydın Kərimov.
23 sentyabr – Kəlbəcər rayonunda Azərbaycan Respublikası Prezidentinin xüsusi nümayəndəsi Bəşir Hacıyev.
24 sentyabr – Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəsi Elçin Yusubov.
25 sentyabr – Prezident Administrasiyasının Qanunvericilik və hüquq siyasəti şöbəsinin müdiri Gündüz Kərimov və Cəbrayıl, Qubadlı və Zəngilan rayonlarında Azərbaycan Respublikası Prezidentinin xüsusi nümayəndəsi Vahid Hacıyev.
28 sentyabr – Azərbaycan Respublikası Təhlükəsizlik Şurasının katibi Ramil Usubov.
Qeyd edək ki, vətəndaşların qəbulu Azərbaycan Respublikası Prezidentinin Administrasiyasının Vətəndaş Qəbulu Mərkəzində keçirilir.
Ünvan: Bakı şəhəri, Nərimanov rayonu, Zaur Nudirəliyev küçəsi, 79.
Qəbula yazılış qəbul gününə ən geci 1 iş günü qalmış dayandırılır. Qəbul saat 14:00-dan başlayır.
Vətəndaşlar əlavə məlumat və müraciət üçün 1111 Çağrı Mərkəzi ilə əlaqə saxlaya bilərlər.
