Sumqayıt şəhər Təbiət elmləri təmayüllü gimnaziyanın 11-ci “A” sinfi 2025-2026-cı tədris ili üzrə ali məktəblərə qəbul nəticələri ilə diqqət çəkib.
Qanuntv.az xəbər verir ki, bu barədə Abşeron-Xızı Regional Təhsil İdarəsi məlumat yayıb.
Bildirilib ki, sinfin 17 məzunu 500-dən, 13 məzunu isə 600-dən yüksək bal toplayıb. Məzunlardan 13-ü Azərbaycan Tibb Universitetinin “Tibb” ixtisasına qəbul olub.
Sinfin ən yüksək nəticəsini Samir Hikmət oğlu Tağızadə göstərib. O, qəbul imtahanında maksimal nəticə olan 700 bal toplayıb.
Yüksək nəticə göstərən məzunlar arasında İnci Rəsul qızı Mursaquliyeva (690,2 bal), Aysel Elnur qızı Fərhadova (682,6 bal), Hüseyn Samir oğlu Nağıyev (682 bal), Amin Pərviz oğlu Tahirzadə (679,1 bal) və Rüqiyyəxanım Fərid qızı Səfizadə (675,4 bal) da yer alıblar.
Sinfin uğurları yalnız qəbul imtahanlarının nəticələri ilə məhdudlaşmayıb. İlham Ramil oğlu Əliyev, Hüseyn Qasım oğlu Tağızadə və Davud Mahmud oğlu Tarverdi fənn olimpiadalarında əldə etdikləri nəticələrə görə müsabiqədənkənar qəbul hüququ qazanıblar.
Məzunların qəbul olunduğu ali təhsil müəssisələri sırasında Azərbaycan Tibb Universiteti ilə yanaşı, Bakı Dövlət Universiteti, Qarabağ Universiteti, Heydər Əliyev adına Hərbi İnstitut və ADA Universiteti də yer alıb.
Bu nəticələr Sumqayıt şəhər Təbiət elmləri təmayüllü gimnaziyanın məzunlarının yüksək akademik göstəricilərini bir daha nümayiş etdirib.
