Ağdam, 16 fevral 2026 – Bu gün Ağdam şəhər 1 nömrəli tam orta məktəbdə 2025–2026‑cı tədris ili üçün rəsmi şəkildə dərslər başlanıb. Təhsil mühiti yenidən bərpa olunmuş bölgədə fəaliyyətə başlayaraq, şagirdlər və müəllimlər üçün təhsilə ilk addım atılıb.
Tədrisin ilk günündə Qarabağ Regional Təhsil İdarəsinin müdiri Sənan Mənsimli məktəbə səfər edərək, dərs prosesini yaxından izləyib, sinif otaqlarında aparılan dərslərlə tanış olub, müəllim və şagirdlərlə fikir mübadiləsi aparıb.
Bu müasir təhsil binası “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” çərçivəsində inşa edilib və 960 şagird yerinə malikdir. Məktəbdə 43 sinif otağı, 16 inzibati otaq, 7 otaqlı STEAM mərkəzi, fizika, kimya və biologiya laboratoriyaları, informatika otaqları, kitabxana və muzey fəaliyyət göstərir.
Məktəbin infrastrukturunda eyni zamanda 352 yerlik yeməkxana, 468 yerlik akt zalı, iki qapalı idman zalı, açıq futbol və basketbol meydançaları şagird və müəllimlərin istifadəsinə verilib.
Qeyd edək ki, bu təhsil müəssisəsinin binası ötən il Azərbaycan Respublikasının Prezidenti İlham Əliyev tərəfindən rəsmi açılış mərasimində iştirakla təhvil verilib.
