“Azərbaycan Hava Yolları” (Azərbaycan Hava Yolları (AZAL)) Naxçıvan istiqamətində həyata keçirilən reysləri yenidən bərpa edib.

Məlumata görə, əvvəlki günlərdə əlverişsiz hava şəraiti səbəbindən təxirə salınmış Bakı–Naxçıvan–Bakı marşrutu üzrə uçuşlar artıq normal qrafiklə icra olunur.

Bildirilib ki, hazırda bölgədə qeyri-stabil hava şəraiti müşahidə edilsə də, bu vəziyyət uçuşların təhlükəsizliyinə təsir göstərmir və reyslərin həyata keçirilməsi davam etdirilir.

Qeyd olunur ki, AZAL uçuşların təhlükəsizliyini təmin etmək məqsədilə hava şəraitini daim nəzarətdə saxlayır və zəruri hallarda operativ qərarlar qəbul edir.

Qeyd:
Naxçıvan istiqamətində uçuşlar son günlər hava şəraiti səbəbilə qısa müddətlik məhdudlaşdırılmış, daha sonra isə mərhələli şəkildə bərpa olunmuşdu.