İyulun 1-də Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva Yevlax şəhərinə səfəri çərçivəsində Cümə məscidini ziyarət edib.

Qanuntv.az xəbər verir ki, Leyla Əliyeva məsciddə dini ayinlərin icrası və ibadət üçün yaradılmış şəraitlə yaxından tanış olub.

Məscidin imamı məlumat verib ki, Yevlax Cümə məscidi 1998-ci ildə istifadəyə verilib və burada eyni vaxtda 600-ə yaxın insan ibadət edə bilir.

İmam qeyd edib ki, Azərbaycanın işğaldan azad olunmuş ərazilərində məscidlərin bərpası və yenidən istifadəyə verilməsi din xadimləri və ibadət əhli tərəfindən böyük sevinclə qarşılanır. O, Cümə məscidinin də daim dövlət qayğısı ilə əhatə olunduğunu vurğulayaraq, ölkə rəhbərliyinə göstərilən diqqət və qayğıya görə minnətdarlığını bildirib.

Ziyarətin sonunda Leyla Əliyevaya müqəddəs Qurani-Kərim hədiyyə olunub.