Bu gün ölkə üzrə ümumi (9 illik) orta təhsil səviyyəsi üzrə buraxılış imtahanı keçirilib.
Dövlət İmtahan Mərkəzinin məlumatına əsasən, imtahanda 55 mindən çox şagird iştirak edib. İmtahan müxtəlif şəhər və rayonlarda təşkil olunub və proses müəyyən edilmiş qaydalara uyğun şəkildə həyata keçirilib.
Şagirdlərə Azərbaycan dili, riyaziyyat və xarici dil fənləri üzrə tapşırıqlar təqdim edilib. İmtahanın nəticələrinin yaxın həftələrdə elan olunması gözlənilir.
Qeyd edək ki, imtahan zamanı təhlükəsizlik və şəffaflığın təmin olunması məqsədilə bütün zəruri nəzarət mexanizmləri tətbiq edilib.
