Lerik rayonunda qanunsuz qızıl axtarışı ilə məşğul olan şəxslərdən biri faciəli şəkildə həyatını itirib.
Qanuntv.az xəbər verir ki, oktyabrın 20-də gecə saatlarında dağlıq ərazidə qazıntı işləri aparan üç nəfər polis əməkdaşları tərəfindən aşkarlanıb.
Məlumata görə, həmin şəxslərdən biri saxlanılıb, digəri isə qaçmağa çalışarkən qayalıqdan dərəyə yıxılaraq ölüb.
Hadisə yerindən qazıntı alətləri və kustar üsulla hazırlanmış partlayıcı qurğu götürülüb.
Digər şəxsin saxlanılması istiqamətində tədbirlərin davam etdirildiyi bildirilir.
