İspaniyalı məşhur tennisçi Karlos Alkaras 2025-ci ili Peşəkar Tennis Assosiasiyasının (ATP) reytinq cədvəlində birinci pillədə başa vuracaq.

Oxu.Az xəbər verir ki, bu, italiyalı Lorentso Muzettini məğlub etdiyi (6:4, 6:1) görüşdən sonra məlum olub.

İspan idmançı ATP-nin yekun çempionatının qrup oyunlarında keçirdiyi hər üç görüşdə qalib gələrək, yarımfinala yüksəlib. Bununla da Alkarasın ili birinci raketka kimi başa vuracağı rəsmiləşib. Alkaras dünya reytinqində italiyalı Yannik Sinneri qabaqlayıb.

Qeyd edək ki, Alkaras bu mövsüm iki "Böyük Dəbilqə" turnirinin - Fransa və ABŞ açıq birinciliklərinin qalibi olub.