Sadettin Saran açıqlama verib:

“Əvvəla açıq və qəti şəkildə bildirmək istəyirəm ki, Məhkəmə-Tibbi Ekspertiza Qurumunun test nəticəsində pozitiv çıxdığı iddia edilən maddəni həyatım boyu istifadə etməmişəm.

İstifadə etməyi bir kənara qoyuram, sözügedən maddəni yaxından görmüşlüyüm belə yoxdur.

Bu istiqamətdə irəli sürülən iddialar şəxsimi hədəf alan, şəxsi hüquqlarımı və nüfuzumu zədələməyə yönəlmiş açıq-aşkar qaralama kampaniyası xarakteri daşıyır və eyni zamanda təmsil etdiyim qurumları yıpratmaq məqsədi güdür.

Bu proses çərçivəsində bir daha açıq şəkildə bildirmək istəyirəm ki, hər cür nümunəni dərhal və heç bir tərəddüd etmədən verməyə hazıram.

Bu baxımdan, sözügedən testin Məhkəmə-Tibbi Ekspertiza Qurumunda yenidən aparılması və təkrar testin həyata keçirilməsi məsələləri istintaqı aparan prokurorluq orqanından rəsmi şəkildə tələb olunacaq.

Bununla yanaşı, beynəlxalq akkreditasiyaya malik müstəqil test qurumlarında bütün müvafiq testlər ən qısa zamanda etdiriləcək və nəticələr ictimaiyyətə açıqlanacaq.

Bir daha və xüsusilə vurğulamaq istəyirəm ki, həqiqətin elmi metodlarla və universal standartlara uyğun şəkildə ortaya qoyulmasından heç bir çəkinəcəyim yoxdur.

Digər tərəfdən, barəsində məxfilik qərarı olan bir işə aid olduğu bildirilən məlumatların test nəticəsinin çıxdığı iddia edilən səhərin ilk saatlarından etibarən eyni vaxtda və koordinasiyalı şəkildə bəzi platformalarda yayılması ayrıca diqqətlə qiymətləndirilməli olan ciddi bir məsələdir.

Həqiqətin gec-tez üzə çıxacağına, prosesin hüquqi dövlət prinsipləri çərçivəsində ədalətli və şəffaf şəkildə yekunlaşacağına inamım tamdır.”