ABŞ Prezidenti Donald Tramp jurnalistlərə açıqlamasında İrana qarşı hərbi əməliyyatlarla bağlı mövqeyini açıqlayıb.

Qanuntv.az "İnterfax" agentliyinə istinadən xəbər verir ki, Tramp bildirib ki, İrana qarşı körpülərin və elektrik stansiyalarının məhv edilməsindən daha ciddi addımlar atmaq niyyətində deyil:

"Mən bu addımları atmağa nifrət edirəm, lakin biz onların ölkəsini boşaldırıq, onların körpüləri, elektrik stansiyaları və başqa heç nəyi qalmaya bilər. Mən bundan daha irəli getməyəcəyəm, çünki bu iki növ obyektin məhv edilməsindən qat-qat pis olan şeylər var."

Prezident vurğulayıb ki, əgər imkan olsaydı, İranın neftinə nəzarət edər və ondan böyük mənfəət əldə edərdi, həmçinin “İran xalqının daha yaxşı qayğısına qalardı”. Lakin o əlavə edib ki, amerikalılar hərbçilərin evə qayıtmasını istəyirlər.

Donald Tramp əmin edib ki, İrana qarşı aparılan kampaniyanın yeganə məqsədi onun nüvə silahı yaratmaq imkanından məhrum edilməsidir. Əks halda, Trampın sözlərinə görə, İsrail təhlükə altında olar, Yaxın Şərq isə böyük böhranla üzləşərdi.