Kürdəmir rayonunda 21 yaşlı Lamiyə İsmayıl qızı Bəşirovanın əri tərəfindən qətlə yetirildiyi bildirilir.

Mərhumun anasının sözlərinə görə, ailədə əsas mübahisə Lamiyənin işləmək istəyi ilə bağlı olub. O bildirib ki, Lamiyə marketdə işləmək istəyirmiş, həyat yoldaşı isə buna qarşı çıxaraq onu hədələyirmiş.

Hadisənin Lamiyənin işə gedərkən baş verdiyi qeyd olunur. İddiaya əsasən, əri Natiq Bəşirov ona bıçaqla hücum edib. Yaralı qadın yol kənarında qan içində aşkarlanıb.

Hadisə Kürdəmir rayonunun Koroğlu küçəsində qeydə alınıb. Şübhəli şəxs polis əməkdaşları tərəfindən saxlanılıb.

Qeyd edək ki, cütlük 2024-cü ildə ailə qurub və onların bir yaş yarımlıq övladı var.

Faktla bağlı Kürdəmir Rayon Prokurorluğunda araşdırma aparılır.

#Kürdəmir #QadınCinayəti #Azərbaycan #Xəbər