Azərbaycanın sərbəst güləşçisi Yusif Abdullayev Bolqarıstanın Samokov şəhərində keçirilən U15 Avropa çempionatında qızıl medal qazanıb.

38 kq çəki dərəcəsində çıxış edən idmançımız finalda Gürcüstan təmsilçisi Rezi Yobidzeni 10:0 hesabı ilə məğlub edərək Avropa çempionu adına sahib çıxıb.

Yusif Abdullayev finala gedən yolda da bütün rəqiblərinə böyük üstünlüklə qalib gəlib. O, ukraynalı İvan Vasilkovu 10:0, ermənistanlı Norayr Gevorqyanı 11:0, belçikalı Məhəmməd Bisultanovu isə 13:1 hesabı ilə məğlub edib.

Çempionatda digər idmançılarımız da uğurlu nəticələr əldə ediblər:

Elman İsmayılov (41 kq) — gümüş medal
Adəm Quliyev (52 kq) — gümüş medal
Məhəmməd Kərimov (44 kq) — bürünc medal
Yusif Hüseynov (62 kq) — bürünc medal

Azərbaycan güləşi növbəti dəfə Avropada gücünü nümayiş etdirdi.

#Azərbaycan #Güləş #AvropaÇempionatı #YusifAbdullayev #İdman