Azərbaycan Respublikasının Prezidenti İlham Əliyev Bakıda keçirilən cüdo üzrə dünya çempionatında qızıl medal qazanan Əhməd Yusifovla görüşüb.
Görüş oktyabrın 5-də Milli Gimnastika Arenasında cüdo üzrə dünya çempionatının açılış mərasimi çərçivəsində baş tutub.
Dövlət başçısı Əhməd Yusifovu qazandığı böyük qələbə münasibətilə təbrik edib. Prezident İlham Əliyev bildirib ki, dünya çempionu olmaq hər bir idmançının arzusudur və Yusifovun bu zirvəyə doğma Vətəndə çatması xüsusi əhəmiyyət daşıyır.
Əhməd Yusifov isə Prezidentə təşəkkürünü bildirib.
Qeyd edək ki, Əhməd Yusifov 60 kiloqram çəki dərəcəsində dünya çempionu olmaqla Azərbaycan cüdo tarixində bu çəkidə ilk dünya çempionu adını qazanıb. O, həmçinin Azərbaycanın cüdo üzrə dördüncü dünya çempionudur.
