Tovuz rayonunda ailə münaqişəsi zamanı ata oğlunu bıçaqlayıb.
Hadisə rayonun Ağdam kəndində baş verib.
Məlumata görə, 1961-ci il təvəllüdlü Aydın Məmmədov sərxoş vəziyyətdə evə gəlib. Bu zaman onunla 1997-ci il təvəllüdlü oğlu N.Məmmədov arasında mübahisə yaranıb.
Mübahisə zamanı Aydın Məmmədov əlindəki bıçaqla oğlunun boğaz nahiyəsinə xəsarət yetirib. Xəsarətin daxilə keçmədiyi bildirilir.
Yaralı xəstəxanaya çatdırılaraq tibbi yardım alıb. Həkimlərin məlumatına görə, onun vəziyyəti orta ağırdır.
Hadisəni törətməkdə şübhəli bilinən Aydın Məmmədov polis əməkdaşları tərəfindən saxlanılıb.
Faktla bağlı araşdırma aparılır.
