Cəmiyyətin gələcəyi olan uşaqların sağlam, bilikli və milli-mənəvi dəyərlərə sadiq vətəndaşlar kimi formalaşmasında məktəbəqədər təhsil müəssisələrinin rolu danılmazdır. Bu məsuliyyətli və şərəfli sahədə peşəkarlığı, yüksək idarəçilik bacarığı və fədakar fəaliyyəti ilə seçilən şəxslərdən biri də Tovuz rayon 2 saylı körpələr evi-uşaq bağçasının müdiri Vüsalə Abbasovadır.
Qanuntv.az-a daxil olan müraciətlərdə valideynlər və ictimaiyyət nümayəndələri Vüsalə Abbasovanın rəhbərlik etdiyi müəssisədə yaradılmış sağlam təlim-tərbiyə mühitini, uşaqlara göstərilən xüsusi diqqət və qayğını yüksək qiymətləndirirlər. Bildirilir ki, bağçada körpələrin hərtərəfli inkişafı, onların intellektual, mənəvi və sosial bacarıqlarının formalaşdırılması istiqamətində ardıcıl və məqsədyönlü işlər həyata keçirilir.
Valideynlərin sözlərinə görə, Vüsalə Abbasova öz fəaliyyətində hər bir uşağa fərdi yanaşma prinsipini əsas götürərək onların təhlükəsizliyinin, sağlamlığının və rahatlığının təmin olunmasına xüsusi önəm verir. Müəssisədə hökm sürən nizam-intizam, qarşılıqlı hörmət və səmimi münasibətlər də məhz peşəkar idarəçiliyin nəticəsi kimi dəyərləndirilir.
Qeyd olunur ki, Vüsalə xanım yalnız bir rəhbər kimi deyil, həm də uşaqların sevincini öz sevincinə çevirən, onların uğurlarına ürəkdən sevinən, gələcəyimiz olan körpələrin layiqli vətəndaş kimi yetişməsi üçün böyük məsuliyyət hissi ilə çalışan ziyalı bir pedaqoq kimi tanınır. Onun təşəbbüsü ilə bağçada uşaqların asudə vaxtının səmərəli təşkili, müxtəlif tədbirlərin keçirilməsi, milli və mənəvi dəyərlərin aşılanması istiqamətində mühüm işlər görülür.
Məktəbəqədər təhsil sahəsində qazandığı nüfuz, valideynlərin etimadı və kollektiv arasında formalaşdırdığı sağlam iş mühiti Vüsalə Abbasovanın yüksək insanı keyfiyyətlərə və zəngin idarəçilik təcrübəsinə malik olduğunu bir daha göstərir.
Bu gün cəmiyyətimizdə belə fədakar, məsuliyyətli və peşəkar rəhbərlərin fəaliyyəti xüsusi dəyər daşıyır. Çünki gələcəyimizin etibarlı təməli məhz uşaqların düzgün tərbiyəsindən başlayır. Tovuz rayon 2 saylı körpələr evi-uşaq bağçasının müdiri Vüsalə Abbasovanın bu istiqamətdə həyata keçirdiyi fəaliyyət isə təqdirəlayiq olmaqla yanaşı, məktəbəqədər təhsil sahəsində çalışan digər şəxslər üçün də nümunə hesab oluna bilər.
Qanuntv.az olaraq, gənc nəslin formalaşmasına xidmət edən, öz peşəsinə sevgi və məsuliyyətlə yanaşan belə ziyalı insanların fəaliyyətini yüksək qiymətləndirir, Vüsalə Abbasovaya gələcək fəaliyyətində yeni uğurlar və nailiyyətlər arzulayırıq.
