Azərbaycan cüdoçusu Turan Bayramov beynəlxalq “Böyük Dəbilqə” (Grand Slam) turnirində uğurlu çıxışı ilə final mərhələsinə vəsiqə qazanıb.

Qanuntv.az xəbər verir ki, milli idmançımız yarış boyu keçirdiyi qarşılaşmalarda rəqiblərinə qalib gələrək yüksək formad olduğunu nümayiş etdirib. O, xüsusilə yarımfinal mərhələsində inamlı qələbə qazanaraq finala yüksəlməyi bacarıb.

Final görüşündə Turan Bayramov turnirin digər yarımfinal qalibi ilə qarşılaşacaq. Həlledici qarşılaşmanın gərgin və maraqlı keçəcəyi gözlənilir.
Qeyd edək ki, “Böyük Dəbilqə” turnirləri cüdo üzrə ən nüfuzlu yarışlar sırasındadır və burada qazanılan uğurlar idmançıların dünya reytinqində mühüm rol oynayır.

Azərbaycanlı azarkeşlər Turan Bayramovdan finalda da uğurlu çıxış və qızıl medal gözləyirlər.