Azərbaycan boksu daha bir beynəlxalq uğura imza atıb. İdmançımız Cəmilə Muradlı Monteneqronun Budva şəhərində keçirilən 17 yaşadək boksçular arasında Avropa çempionatının qalibi olub.
Gənc boksçumuzun qitə birinciliyində qazandığı bu nailiyyət Azərbaycan idmanının inkişafını və yeniyetmə idmançıların beynəlxalq arenada uğurla çıxış etmək potensialını bir daha nümayiş etdirir.
Cəmilə Muradlının Avropa çempionu adını qazanması ölkəmizdə boks ənənələrinin davam etdirilməsi, gənc nəslin idmana marağının artırılması baxımından da əhəmiyyətlidir. Belə qələbələr gələcək idman uğurları üçün motivasiya yaradır və Azərbaycan bayrağının beynəlxalq yarışlarda yüksəklərə qaldırılmasına töhfə verir.
QanunTV.az olaraq Cəmilə Muradlını bu böyük uğuru münasibətilə təbrik edir, ona gələcək yarışlarda yeni qələbələr və idman karyerasında davamlı nailiyyətlər arzulayırıq.
