Sumqayıtda dəm qazından boğularaq həyatını itirən 32 yaşlı Məzahir Məcdunovun Vətən müharibəsi şəhidi Xalid Məcdunovun qardaşı olduğu məlum olub.
Şəhid Xalid Məcdunov 2020-ci ildə Vətən müharibəsi zamanı Cəbrayıl və Füzuli rayonlarının azadlığı uğrunda gedən döyüşlərdə iştirak edib. O, həmin il oktyabrın 2-də Füzuli istiqamətində gedən döyüşlərdə şəhidlik zirvəsinə ucalıb.
Xalid Məcdunov Qobustan rayonunun Poladlı kəndində dəfn olunub.
Şəhid ailəsinə üz verən bu ağır itki bir daha göstərir ki, bəzən bir ailə qısa zaman ərzində bir neçə böyük ağrı ilə üzləşir. Vətən uğrunda canından keçən Xalid Məcdunovun xatirəsi xalqımızın yaddaşında daim yaşayacaq.
Məzahir Məcdunova Allahdan rəhmət, ailəsinə və yaxınlarına səbir diləyirik.
