Türkiyədə qışın sərt keçməsi ölkənin ən uzun çayı olan Kızılırmakda qeyri-adi mənzərə yaradıb. Son günlər hava temperaturunun kəskin şəkildə aşağı düşməsi nəticəsində çayın bəzi hissələri tamamilə donub.
Məlumata görə, xüsusilə mərkəzi və şimal bölgələrdən keçən ərazilərdə Kızılırmak çayının səthi buzla örtülüb. Yerli sakinlər uzun illərdir belə bir hadisə ilə nadir hallarda qarşılaşdıqlarını bildirirlər.
Mütəxəssislər qeyd edirlər ki, havaların bu qədər soyuması bölgədə təsirli olan soyuq hava dalğası ilə əlaqədardır. Don hadisəsinin əkin sahələrinə və yerli ekosistemə mümkün təsirləri ilə bağlı isə müşahidələr aparılır.
Qeyd edək ki, Kızılırmak çayı uzunluğu baxımından Türkiyənin ən böyük çayı hesab olunur və ölkənin bir neçə vilayətindən keçərək Qara dənizə tökülür.
Qanuntv.az
