ABŞ Dövlət katibi Marko Rubio Münxen şəhərində Ukrayna Prezidenti Volodimir Zelenski ilə görüşməyi planlaşdırdığını açıqlayıb.

QanunTV.az xəbər verir ki, Rubio bu barədə Münxen Təhlükəsizlik Konfransında iştirak etmək üçün Avropaya yola düşməzdən əvvəl jurnalistlərə danışıb.

“Düşünürəm ki, bəli. Hesab edirəm ki, o, orada olacaq və bizim onunla görüşmək imkanımız olacaq. Məncə, bu mənim qrafikimdədir. 100 faiz dəqiq deyil, amma belə olacağına əminəm”, – deyə ABŞ Dövlət katibi bildirib.

Marko Rubio həmçinin qeyd edib ki, Münxendə Macarıstan və Slovakiya nümayəndələri ilə də görüşərək bu ölkələrin Rusiya enerji resurslarının idxalını dayandırması məsələsini müzakirə etmək niyyətindədir.

“Biz onlarla bu barədə danışacağıq. Nələrin baş verməli olduğu barədə söhbət edəcəyik. Görüşlərdə nədən danışacağımızın bütün təfərrüatlarına varmayacağam. Lakin bunlar Birləşmiş Ştatları güclü şəkildə dəstəkləyən və bizimlə sıx əməkdaşlıq edən ölkələrdir”, – deyə Rubio əlavə edib.