ABŞ Hörmüz boğazından keçməyə cəhd edən gəmilərin dayandırılmasına başlayacaq.
Qanuntv.az xəbər verir ki, bu barədə Donald Tramp özünün Truth Social platformasında paylaşım edib.
Onun sözlərinə görə, blokada yaxın zamanda başlayacaq və prosesdə digər dövlətlər də iştirak edəcək. Lakin Tramp həmin ölkələrin adlarını açıqlamayıb.
“Hazırkı andan etibarən, dünyanın ən güclü donanmalarından biri olan ABŞ Hərbi Dəniz Qüvvələri Hörmüz boğazına daxil olmağa və ya onu tərk etməyə çalışan istənilən gəminin bloklanması prosesinə başlayacaq. ABŞ qüvvələri, həmçinin boğazdan keçid üçün İrana ödəniş edən gəmiləri axtaracaq və saxlayacaq. Qeyri-qanuni rüsum ödəyənlərin heç biri açıq dənizdə təhlükəsiz keçid əldə etməyəcək”, – deyə o bildirib.
Qeyd edək ki, Hörmüz boğazı dünya enerji daşımalarının əsas marşrutlarından biri hesab olunur və burada baş verən istənilən gərginlik qlobal bazarlara ciddi təsir göstərə bilər.
