Yevlax rayonunda bədbəxt hadisə nəticəsində yaşlı qadın həyatını itirib.

Qanuntv.az xəbər verir ki, hadisə rayonun Xaldan kəndində qeydə alınıb. Kənd sakini, 1935-ci il təvəllüdlü Zümrüd Sabit qızı Əhmədova yaşadığı evin həyətyanı sahəsində su qızdırmaq üçün ocaq yandırarkən ehtiyatsızlıq nəticəsində geyimlərinə od düşüb.

Nəticədə müxtəlif dərəcəli yanıq xəsarətləri alan 91 yaşlı qadın dərhal xəstəxanaya çatdırılıb. Həkimlərin səylərinə baxmayaraq, onun həyatını xilas etmək mümkün olmayıb.

Mərhumun bacısı Kubra Məmmədova bildirib ki, hadisə qazın yaxınlığında baş verib və qadının geyimi alovlanıb. Onun sözlərinə görə, baş verən hadisədən təxminən bir saat sonra xəbər tutub.

"26-27 ildir ki, bacıma mən baxırdım", – deyə K.Məmmədova qeyd edib.

Faktla bağlı Yevlax Rayon Prokurorluğunda araşdırma aparılır.

Qanuntv.az