Bakının Yasamal rayonunda ölümlə nəticələnən bıçaqlanma hadisəsi baş verib.

Qanuntv.az xəbər verir ki, hadisə metronun "Nizami" stansiyası yaxınlığında qeydə alınıb.

İlkin məlumata görə, bir nəfər ürək nahiyəsindən bıçaqlanıb. Ağır xəsarətlər alan şəxs hadisə yerində həyatını itirib.

Hadisədən dərhal sonra əraziyə təcili tibbi yardım briqadasının çağırıldığı bildirilsə də, onların hadisə yerinə vaxtında çatmadığı iddia olunur.

Əldə olunan məlumata görə, hadisəni törətməkdə şübhəli bilinən 34 yaşlı M.Əliyev polis əməkdaşları tərəfindən müəyyən edilərək saxlanılıb.

Faktla bağlı hüquq-mühafizə orqanları tərəfindən araşdırma aparılır.