Son günlər yağan intensiv yağışlardan sonra Badamdar yamacında sürüşmə sahəsində aktivlik artıb.

Qanuntv.az xəbər verir ki, bu barədə Fövqəladə Hallar Nazirliyi məlumat yayıb.

Bildirilib ki, yaranmış təhlükə ilə əlaqədar Badamdar-20-ci Sahə avtomobil yolunda nəqliyyatın hərəkəti dayandırılıb, əraziyə müvafiq qurumların əməkdaşları cəlb olunub.

Məlumata görə, aprelin 5-i səhər saatlarında fövqəladə hallar naziri, general-polkovnik Kəmaləddin Heydərov hadisə yerinə gəlib.

Nazir mövcud vəziyyətlə yerində tanış olub, aidiyyəti qurumların nümayəndələri və mütəxəssislərlə müzakirələr aparıb, onların təkliflərini dinləyərək müvafiq tapşırıqlar verib.