Ağdam rayonunda baş verən bədbəxt hadisə iki nəfərin həyatına son qoyub.

Qanuntv.az xəbər verir ki, hadisə tikinti sahəsində qeydə alınıb. Belə ki, İlkin Babayev iki gün əvvəl işlədiyi tikintidə beton tökmə işləri apararkən ehtiyatsızlıq nəticəsində ikinci mərtəbədən yıxılıb. Ağır xəsarətlər alan yaralı dərhal xəstəxanaya çatdırılsa da, həkimlərin səylərinə baxmayaraq onun həyatını xilas etmək mümkün olmayıb.

Məlumata görə, dünən mərhumun dəfn mərasimi zamanı daha bir faciə baş verib. İlkin Babayevin qayınanası Nüşabə Cəfərovanın qəfil halı pisləşib. Güclü stress keçirdiyi bildirilən qadın təcili olaraq xəstəxanaya aparılıb. Lakin həkim müdaxiləsinə baxmayaraq, onun da həyatını xilas etmək mümkün olmayıb.

Faktla bağlı araşdırma aparılır.