Mayın 3-də Heydər Əliyev Fondunun təşəbbüsü ilə keçirilən Bakı Marafonu 2026 yarışının qalibləri bəlli olub.

Qanuntv.az xəbər verir ki, kişilər arasında finiş xəttini ilk keçən idmançı Türkiyə təmsilçisi Əhməd Alkanoğlu olub. İkinci yeri ukraynalı Vitaliy Şafar, üçüncü yeri isə Qırğızıstan idmançısı Yrskeldi Akerov tutub.

Qadınların yarışında isə Rusiyadan Elena Tolstykh birinci olub. Azərbaycandan Anna Yusupova ikinci, Qazaxıstandan Şirin Akimbay isə üçüncü pillədə qərarlaşıb.

Qeyd edək ki, bu il marafon ilk dəfə olaraq 21 kilometrlik deyil, tam 42 kilometrlik məsafədə keçirilib. Yarışa ümumilikdə 25 min iştirakçı qatılıb.

“Küləyə qalib gəl” şüarı ilə təşkil olunan marafonda Azərbaycan vətəndaşları ilə yanaşı, ABŞ, Almaniya, Böyük Britaniya, Çin, Gürcüstan, Qazaxıstan, Qırğızıstan, Özbəkistan, Rusiya, Türkiyə, Ukrayna və digər ölkələrdən olan iştirakçılar da mübarizə aparıblar.

Sayca doqquzuncu dəfə keçirilən yarış Dövlət Bayrağı Meydanından start götürüb və iştirakçılar Sea Breeze ərazisində finiş xəttinə çatıblar.