Bərdədə baş verən yol-nəqliyyat hadisəsi ölüm faktı ilə nəticələnib.

Qanuntv.az xəbər verir ki, hadisə rayonun Soğanverdilər kəndi ərazisində qeydə alınıb.

Məlumata görə, “Toyota Prius” markalı avtomobilin idarəetmədən çıxaraq yol kənarındakı maneəyə çırpılması nəticəsində ağır qəza baş verib.

Qəza zamanı sərnişin qismində olan Ağdam rayon sakini Orxan Əliyev aldığı xəsarətlərdən hadisə yerində və ya xəstəxanada həyatını itirib. Sürücü və daha bir sərnişin isə müxtəlif dərəcəli bədən xəsarətləri ilə xəstəxanaya yerləşdiriliblər.

Bildirilir ki, qəza nəticəsində həyatını itirən Orxan Əliyev hərbi qulluqçu olub.

Faktla bağlı araşdırma aparılır.