Bakues.az istinadən QanunTV.az xəbər verir ki, bu gün, dekabrın 27-də Aeroflot Hava Yollarına məxsus Bakı–Moskva reysi təyinat nöqtəsinə çata bilməyib.

Saat 19:55-də Bakıdan havaya qalxan təyyarə Moskvada eniş üçün əlverişsiz şərait səbəbindən məcburi şəkildə Sankt-Peterburq hava limanına yönləndirilib.

Məlumata görə, hazırda sərnişinlər Sankt-Peterburq hava limanında Moskvaya növbəti uçuşu gözləyirlər.

Qeyd edək ki, bu hal təkcə bir reyslə məhdudlaşmır. Gün ərzində Moskvadakı əsas hava limanlarında – Şeremetyevo, Domodedovo və Vnukovoda onlarla reys gecikib və ya təxirə salınıb.

Əlavə məlumat daxil olduqca xəbər yenilənəcək.