Ukrayna Prezidenti Volodimir Zelenski sülhə dair Ukrayna-ABŞ danışıqlarında bir neçə məsələdə fikir ayrılıqları olduğunu etiraf edib.
Zelenski Kiyevdə Çexiya Prezidenti Petr Pavel ilə keçirdiyi birgə mətbuat konfransında bildirib:
"Bəzi məsələlərdə sadəcə eyni tərəfdə deyilik."
O həmçinin Ukrayna Silahlı Qüvvələrinin sayının 800 min nəfərlik heyətdə qalmasının zəruriliyini vurğulayıb, lakin Kiyevin bu civarda heyəti saxlamaq üçün kifayət qədər vəsaitinin olmadığını qeyd edib.
Zelenskinin açıqlamaları Ukrayna-ABŞ münasibətlərindəki bəzi mövqelər fərqliliyini gündəmə gətirib.