Bakıda keçirilən çövkən üzrə 2-ci dünya çempionatında növbəti oyunlar baş tutub.

Qanuntv.az xəbər verir ki, gün ərzində keçirilən qarşılaşmalarda maraqlı nəticələr qeydə alınıb.

Azərbaycan millisi Çili yığması ilə üz-üzə gəlib. Gərgin idman mübarizəsi şəraitində keçən görüşdə hər iki komanda qol imkanları yaratsa da, hesab açılmayıb. Qarşılaşma 0:0 hesablı heç-heçə ilə yekunlaşıb və tərəflər hərəyə bir xal qazanıblar.

Digər oyunda Nigeriya millisi Türkiyə yığmasına böyük hesabla qalib gəlib. Rəqib qapısından altı top keçirən Nigeriya komandası görüşü 6:1 hesabı ilə başa vurub.

Günün daha bir qarşılaşmasında isə Niger və Polşa milli komandaları üz-üzə gəlib. Niger yığması inamlı oyun nümayiş etdirərək rəqibini 4:0 hesabı ilə məğlub edib və turnirdə ilk qələbəsini qazanıb.

Qeyd edək ki, çövkən üzrə 2-ci dünya çempionatı Bakıda davam edir.