Ağdam rayonunun Çuxurməhlə kəndi ərazisində ağır yol-nəqliyyat hadisəsi baş verib.
Məlumata görə, hərəkətdə olan “Hyundai” markalı avtomobillə “VAZ 2106” markalı minik avtomobilinin toqquşması nəticəsində ciddi qəza qeydə alınıb.
Qəza zamanı “VAZ 2106” markalı avtomobildə olan şəxslər – leytenant Mehtiyev Faiq Xanqulu oğlu, çavuşlar Qəhrəmanov Saday Yaqub oğlu və Novruzov Ruslan Ramil oğlu, həmçinin Abbasov İsmayıl Abdulla oğlu hadisə yerində həyatını itirib.
“Hyundai” markalı avtomobilin sürücüsü Cəfərov Sadiq Rafael oğlu isə xəsarət alıb və xəstəxanaya yerləşdirilib.
İlkin məlumatlara əsasən, ümumilikdə 4 nəfər ölüb, 3 nəfər müxtəlif dərəcəli xəsarətlər alıb. Yaralıların tibbi yardımla xəstəxanaya çatdırıldığı bildirilir.
Hadisə yerinə Fövqəladə Hallar Nazirliyinin Qarabağ Regional Mərkəzinin xilasediciləri cəlb olunub, avtomobillərdə sıxılmış vəziyyətdə qalan meyitlər çıxarılaraq aidiyyəti üzrə təhvil verilib.
