Bakıda “Formula-1” üzrə Azərbaycan Qran-prisinin keçirilməsi ilə əlaqədar Hökumət Evində yerləşən dövlət qurumlarının əməkdaşları distant iş rejimində çalışacaqlar.

Qanuntv.az xəbər verir ki, “Report”un məlumatına görə, sentyabrın 23-dən tətbiq ediləcək distant iş rejimi sentyabrın 28-dək davam edəcək.

Buna səbəb “Formula-1” yarışının keçirildiyi trasın Hökumət Evinin yerləşdiyi ərazidən keçməsi və bununla əlaqədar nəqliyyatın hərəkətinə tətbiq olunan məhdudiyyətlərdir.

Distant iş rejiminə keçəcək qurumlar arasında aşağıdakılar var:

Nazirliklər:

- Energetika Nazirliyi
- İqtisadiyyat Nazirliyi
- Mədəniyyət Nazirliyi
- Kənd Təsərrüfatı Nazirliyi

Komitələr və digər dövlət qurumları:

- Ailə, Qadın və Uşaq Problemləri üzrə Dövlət Komitəsi
- İnsan Hüquqları üzrə Müvəkkil (Ombudsman) Aparatı
- Əqli Mülkiyyət Agentliyi
- Azərbaycan Meliorasiya və Su Təsərrüfatı ASC və aidiyyəti struktur qurumları

Qeyd edək ki, “Formula-1” üzrə Azərbaycan Qran-prisi sentyabrın 24-26-da Bakıda keçiriləcək.