Bakıda əlindəki telefonu qəsdən hərəkətdə olan avtomobilə vuraraq sürücülərdən pul tələb edən şəxs saxlanılıb.
Məlumata görə, polis əməkdaşlarının keçirdiyi tədbirlər nəticəsində həmin şəxsin kimliyi müəyyən edilib. Onun əvvəllər soyğunçuluq və oğurluq əməllərinə görə məhkum olunmuş, 1987-ci il təvəllüdlü Elman Hüseynov olduğu bildirilib.
Şəxs inzibati qaydada həbs edilib. Araşdırmalar zamanı onun oxşar üsullarla vətəndaşları aldadaraq maddi vəsait əldə etməyə cəhd göstərdiyi müəyyən olunub.
Hazırda faktla bağlı araşdırma davam etdirilir və qanunvericiliyə uyğun hüquqi tədbirlər görülür.
