Ali təhsil müəssisələrinə qəbul olmaq istəyən abituriyentlər üçün ixtisas seçiminin tarixləri məlum olub.
Qanuntv.az xəbər verir ki, bu barədə Dövlət İmtahan Mərkəzi (DİM) məlumat yayıb.
Məlumata əsasən, ali təhsil müəssisələrinə qəbul olmaq istəyən abituriyentlər üçün ixtisas seçimi 12-19 avqust tarixlərində aparılacaq.
DİM bildirib ki, ixtisas seçimi bütün müvafiq qaydalara uyğun olaraq qeyd olunan tarixlər ərzində həyata keçiriləcək. Abituriyentlər bu müddətdə öz seçimlərini elektron qaydada təsdiqləməlidirlər.
Qeyd edək ki, ixtisas seçimi ali təhsil müəssisələrinə qəbul prosesinin ən vacib mərhələlərindən biridir. Abituriyentlərə seçim zamanı topladıqları balı, ixtisasların keçid ballarını və qəbul şanslarını diqqətlə nəzərə almaları tövsiyə olunur.
