Ukrayna prezidenti Volodimir Zelenski Xarkov vilayətinin işğaldan azad edildiyini açıqlayıb.

Qanuntv.az xarici KİV-ə istinadən xəbər verir ki, o, bu barədə xalqa gündəlik müraciətində Xarkov vilayətinə səfərindən qayıtdığını bildirib.

"Bu gün demək olar ki, bütün bölgə azad edilib. Bu, döyüşçülərimizin görünməmiş bir hərəkəti idi, ukraynalılar bir daha çoxlarının qeyri-mümkün hesab etdiyi şeyi edə bildilər. Yalnız aktiv əməliyyatların ilk günündə qoşunlarımız 19 kilometr irəliləyib. 5 gündür davam edən toqquşmalarda 110 kilometr məsafə qət edilib. Ümumilikdə 400-ə yaxın yaşayış məntəqəsi işğaldan azad edilib. Bu regionda yaşayan 150 min ukraynalı indi adi, təhlükəsiz və normal həyatın necə olduğunu hiss edir", - deyə o, çıxışında bildirib.