Şirvan şəhər Tahir Bağırov adına 11 nömrəli ümumtəhsil orta məktəbində Qanuntv.az saytının rəhbəri Bəxtiyar Vəliyevin iştirakı ilə keçirilən geniş tərkibli görüş məktəb-valideyn münasibətlərinin möhkəmləndirilməsi baxımından xüsusi əhəmiyyət kəsb edib. Görüşdə valideynlər məktəbdə aparılan tədris prosesi, nizam-intizam, şagirdlərin inkişafı və ümumi idarəçilik sistemi ilə bağlı fikirlərini bölüşərək, məktəbin direktoru Haxverdiyev Yusif Ələs oğlunun fəaliyyətinə yüksək qiymət veriblər.
Valideynlərin çıxışlarında xüsusilə vurğulanıb ki, Yusif Haxverdiyev rəhbərlik etdiyi müddət ərzində məktəbdə nümunəvi idarəçilik sistemi formalaşdırmağa nail olub.
Onun rəhbərliyi altında tədrisin keyfiyyəti yüksəlib, müəllim kollektivi arasında sağlam iş mühiti yaradılıb və şagirdlərin bilik səviyyəsinin artırılması istiqamətində ardıcıl və məqsədyönlü tədbirlər həyata keçirilib. Direktorun hər bir məsələyə məsuliyyətlə yanaşması, detallara diqqət yetirməsi və operativ qərarlar verməsi valideynlər tərəfindən xüsusi olaraq qeyd olunub.
Görüş zamanı valideynlər bildiriblər ki, məktəbdə müəllim-şagird münasibətləri qarşılıqlı hörmət və anlayış üzərində qurulub. Bu isə birbaşa olaraq direktorun düzgün və ədalətli idarəçilik prinsiplərindən irəli gəlir. Yusif Haxverdiyev şagirdlərin yalnız akademik deyil, həm də mənəvi və sosial inkişafına xüsusi önəm verir, onların vətənpərvər ruhda yetişməsi üçün müxtəlif tədbirlərin həyata keçirilməsinə şərait yaradır.
Eyni zamanda, valideynlərlə qurulan sıx və səmərəli əməkdaşlıq münasibətləri də direktorun fəaliyyətinin əsas üstünlüklərindən biri kimi qiymətləndirilib.
Valideynlərin sözlərinə görə, məktəbdə onların fikirlərinə hər zaman açıq yanaşılır, problemlər diqqətlə dinlənilir və qısa zamanda həll olunur. Bu isə məktəb-ailə münasibətlərinin daha da möhkəmlənməsinə və qarşılıqlı etimadın artmasına səbəb olur.
Qeyd edilib ki, Yusif Haxverdiyev yeniliklərə açıq, müasir təhsil çağırışlarını düzgün qiymətləndirən və onları praktikada uğurla tətbiq edən rəhbər kimi seçilir. Onun təşəbbüsü ilə məktəbdə müxtəlif maarifləndirici layihələr, bilik yarışları, tədbirlər və sosial aksiyalar həyata keçirilir ki, bu da şagirdlərin hərtərəfli inkişafına müsbət təsir göstərir.
Valideynlər yekdil olaraq bildiriblər ki, Yusif Haxverdiyevin rəhbərliyi altında Şirvan şəhər Qahir Bağırov adına 11 nömrəli ümumtəhsil orta məktəbi şəhərin nümunəvi təhsil ocaqlarından birinə çevrilib. Onun məsuliyyətli, prinsipial və eyni zamanda humanist yanaşması məktəbdə sağlam və inkişafyönümlü mühitin formalaşmasına səbəb olub.
Sonda vurğulanıb ki, belə görüşlərin təşkili həm valideynlərin məktəb həyatında daha fəal iştirakına, həm də təhsil prosesinin daha şəffaf və effektiv şəkildə qurulmasına geniş imkan yaradır. Valideynlərin fikirlərinə əsasən, direktor Yusif Haxverdiyev öz fəaliyyəti ilə nümunəvi rəhbər obrazını tam şəkildə doğruldur və gələcək nəsillərin yetişdirilməsində mühüm rol oynamaqda davam edir.
