Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva və Bakı Media Mərkəzinin prezidenti Arzu Əliyeva 1 İyun – Uşaqların Beynəlxalq Müdafiəsi Günü münasibətilə 11 nömrəli inteqrasiya təlimli internat tipli ümumtəhsil məktəbində olublar.
Qanuntv.az xəbər verir ki, onlar internat məktəbində təhsil alan uşaqlarla görüşərək bayram münasibətilə səmimi söhbətlər aparıb, onların qayğı və istəkləri ilə maraqlanıblar.
Ziyarət zamanı məktəbin fəaliyyəti, burada yaradılan təhsil və sosial şəraitlə tanış olan qonaqlar uşaqların hazırladıqları əl işlərinə və yaradıcılıq nümunələrinə baxıblar.
Görüş çərçivəsində məktəblilərə müxtəlif hədiyyələr təqdim olunub, onlarla xatirə şəkilləri çəkdirilib.
Qeyd edək ki, 1 İyun – Uşaqların Beynəlxalq Müdafiəsi Günü münasibətilə ölkənin müxtəlif təhsil və sosial müəssisələrində silsilə tədbirlər təşkil olunur.
