Türkiyə Respublikasının Prezidenti Rəcəb Tayyib Ərdoğan Koreya Respublikasına səfərdən qayıdarkən təyyarəsi Azərbaycan Respublikasının hava məkanına daxil olub.
Bu zaman dövlət başçısının təyyarəsinin pilotu dispetçerlə əlaqə saxlayaraq Prezident İlham Əliyevə və Azərbaycan xalqına Rəcəb Tayyib Ərdoğanın ən səmimi arzularını çatdırıb.
Mesajda Türkiyə Prezidenti qardaş Azərbaycan xalqına əmin-amanlıq və firavanlıq, Prezident İlham Əliyevə isə möhkəm cansağlığı və xoşbəxtlik arzuladığını bildirib.
Rəcəb Tayyib Ərdoğanın adından çatdırılan müraciətdə deyilir:
“Səfərdən qayıdarkən qardaş Azərbaycan xalqına əmin-amanlıq və firavanlıq, Zati-alinizə cansağlığı və xoşbəxtlik kimi ən səmimi arzularımı çatdırmaqdan böyük məmnunluq duyuram.
Rəcəb Tayyib Ərdoğan
Türkiyə Respublikasının Prezidenti”.
Qeyd edək ki, Türkiyə və Azərbaycan arasında mövcud olan dostluq və qardaşlıq münasibətləri iki ölkənin dövlət başçıları səviyyəsində qarşılıqlı diqqət və səmimi mesajlarla da özünü göstərir.
