Qazax rayonunda bıçaqlanma hadisəsi baş verib.
Qanuntv.az xəbər verir ki, hadisə rayonun Yuxarı Salahlı kəndində qeydə alınıb.
Məlumata görə, kənd sakini, 1993-cü il təvəllüdlü Xanlar Vəkilov mübahisə zəminində bıçaq xəsarəti alıb.
Yaralı dərhal xəstəxanaya yerləşdirilib. Həkimlərin verdiyi məlumata əsasən, onun vəziyyəti orta ağır qiymətləndirilir.
Hadisəni törətməkdə şübhəli bilinən şəxsin məktəbli olduğu bildirilir.
Faktla bağlı araşdırma aparılır. Hadisənin başvermə səbəbləri və digər təfərrüatlar müvafiq qurumlar tərəfindən araşdırılır.
