Türkiyə Futbol Federasiyası (TFF) son beş il ərzində mərc oyunlarında iştirak etməkdə təqsirləndirilən 448 klub rəsmisinin işini Peşəkar Futbol İntizam Komitəsinə (PFDK) göndərib.
Qanuntv.az xəbər verir ki, siyahıda Türkiyə Super Liqasının dörd böyük klubu – “Beşiktaş”, “Fənərbağça”, “Qalatasaray” və “Trabzonspor”un bir sıra rəhbər şəxslərinin də adları yer alıb.
TFF-nin İntizam Komitəsinə göndərilən şəxslər arasında “Beşiktaş”dan Tarkan Şer, Kerem Gürel, Fırat Fidan, Miraç İltuğ Sungur, Kadir Kılıç, Mustafa Mollaoğlu, Hakan Daltaban, İbrahim Kemal Barış Dillioğlu, Enis Ulusoy və Serhan Çetinkaya var.
“Fənərbağça”dan Eren Ali Dişli, Bekir Erdem və Erdem Sezerin adları siyahıya daxil edilib.
“Qalatasaray” üzrə Emir Aral, Özgür Işıtan Gün, Ali Yüce, Maruf Güneş və Ural Aküzüm PFDK-ya göndərilən şəxslər sırasındadır.
“Trabzonspor”dan isə Yalçın Orhan, Zeyyat Kafkas, Murat İskender, Kemal Ertürk, Taner Fikret Saral, Lokman Sadıklar, Şenol Kaynar, Ertuğrul Doğan, Abdulkadir Ferda Başkan, Semih Hekimoğlu, Derviş Köz, İbrahim Şahinkaya və Ceyhun Eskiçinin adları açıqlanan siyahıda yer alıb.
Qeyd edək ki, şəxslərin PFDK-ya göndərilməsi onların təqsirinin artıq təsdiqləndiyi anlamına gəlmir. Məsələ ilə bağlı yekun qərarın intizam araşdırmasının nəticələrinə əsasən verilməsi gözlənilir.
