Iran qadın futbol yığmasının Australiada sığınacaq istəyən üzvləri təhlükəsizlik səbəbilə saxlanıldıqları yerdən təxliyə olunublar.

Qanuntv.az xəbər verir ki, bu barədə Avstraliyanın daxili işlər naziri Tony Burke açıqlama verib. Məlumata görə, İran milli komandasının yeddi üzvü Avstraliyadan sığınacaq istəyib.

Bildirilir ki, futbolçular İranda dövlət himnini oxumaqdan imtina etdiklərinə görə vətənlərində “xain” adlandırılıblar. Lakin idmançılardan biri sonradan fikrini dəyişərək İrana qayıtmağı seçən digər oyunçularla söhbətdən sonra mövqeyini dəyişib.

Nazirin sözlərinə görə, həmin futbolçu Avstraliyadakı İran səfirliyi ilə əlaqə saxlayaraq sığınacaq istəyən komanda yoldaşlarının yerləşdiyi məkanı açıqlayıb.
“Bunun nəticəsində İran səfirliyi onların hamısının harada olduğunu öyrəndi. Mən dərhal həmin şəxslərin başqa yerə köçürülməsi barədə göstəriş verdim və bu dərhal həyata keçirildi”, – deyə Toni Berk bildirib.

Nazir əlavə edib ki, Avstraliya rəsmiləri fikrini dəyişən futbolçunun bu addımının onun şəxsi qərarı olduğuna əmin olduqlarını bildiriblər.